寄包裹去 Kowlooooooon

分享幾好笑事件一則。

有一日，我去郵局幫家姐寄包裹給一個香港朋友。磅晒重、pack好箱、填埋 form、俾完錢……我巡例幫家姐朋友確定一下大概幾時會收到，

我：Pour combien de temps il va arriver à Hong Kong? (個郵件大概幾耐會到香港？)
郵局職員想也沒想：Dans une semaine！（約一星期。）
我：D'accord！Merci！（明白！謝謝！）
郵局職員突然煞有介事：Attendez！Attendez！Où à Hong Kong?（等等！等等！香港邊度？）
我心諗：吓！！！！！有分別咩？
我好懷疑佢知唔知我講緊邊度：er.....Kowloon！
職員：Kowloon……（認真想了兩秒）OK! Kowloon！Une semaine！（非常Firm）（九龍…OK! 九龍，一星期！）
我快要爆笑了：MERCI!!!!!!!


我衝了出郵局。我唔信我答 New Territories 會變左8日囉！同埋，我好驚佢繼續問我：九龍邊度？觀塘邊條街？

雖然可能個職員扮 Pro，不過那位九龍區的朋友確實在一星期後準時收到件。

其實法國郵局幾好的，雖然每區的營業時間略有不同，不過大都比香港開放時間更長，像我家樓下那家，星期一至五從早上八時開到晚上八時，超好！放工放學仲趕得切去寄信或取件，而星期六則從早上九時至下午一時，服務時間要比香港的長和體貼得多 :D 讚！

另外，分享多小小，關於超短地址背後的秘密。

香港的地址大抵屬於全球最長的地址之一吧！要註明地區、屋苑、座號、樓層、室號……水蛇春。我一直好渴望可以要一個短d 既地址，因為我覺得型d，像 White Palace 白宮咁，係咪好似好勁咁先？！在法國，我的願望成真了，地址很短，例如：

1, Rue de ABC 75001 Paris, France

就這樣！

1是街號，Rue de ABC 是街名，75001 是區號，城市，國家

但後來，我很掛念長長的、清清楚楚的地址，因為短地址背後是：有幾十人跟你的地址一模一樣！

呢30個信箱就是用一模一樣的地址的！

那你就必須好好告訴要給你寄信的人，你貼在信箱上的名字為何，否則郵差無法把信放入你的信箱。再者，有時d 信封面明明寫得清清楚楚的，但郵差仍然亂派信，我常常收到不是我的信，又時時收不到我很想收到的信，郵差，有時很可惡！