馬拉松前夕，我好淆底

最近不論走到哪裡，都看見馬拉松的廣告，我每每看見，都真的有餚的感覺。

我用了6個月時間，去證明了我自己真的不了解自己。

不會恆常做運動就是不會恆常做運動，即使真金白銀成95歐去報名，唔會練習就唔會練習。好啦！6個月眨眼就過去，兩天後就是巴黎全馬比賽，今次死梗啦！

話說巴黎馬拉松要求所有跑手於領號碼布時需出示醫生紙證明身體狀況可以跑步。為了這個醫生紙，我這星期做的事可多了。

(容許我扯開小小話題！) 首先，一到埗巴黎，所有外國學生得購買健康保險，都7個月了，我們從未收到睇醫生的保險咭和保險號，返回舊學校的校務處問，那個秘書毫不在乎的說：對啊！一般大概八個月才收到的……(那我中途真的病到死又無錢睇醫生真的要等死了！保期一年都快到了！！)好！我唯有特地跑一趟保險公司，等了1個小時 (現在的我覺得這算神速！) 我終於獲知保險號碼了。我很想哭！嗚嗚…然後再預約看醫生，天啊！預約看醫生又是另一麻煩…終於約到醫生，醫生很嚴謹的查詢我的運動習慣和生活習慣，檢查我的心肺血壓平衡……再付23歐，醫生紙終於誕生了！

昨日開始在 Porte de Versailles 會展中心舉行了一連三天 Running Expo，今天我就去了領號碼布。我遇見了很多對手！！！哼哼！！！

全馬全長42.195公里，攞你命！我當然唔會跑晒啦！我決定最多跑10km就會返屋企沖涼架喇……不過再望多次當初讓我心動的路線……唉！

先交醫生紙

再取號碼布

接著去拎Sponsor 的 products

大會安排得好好，成件事非常 Systematic 有條理又快手，在法國來講是相當之難得，還要我碰見的三個職員都勁勁勁nice，仲叫人加油㖭 <3 <3 <3 個笑容又親切到擁抱住我咁~~~~

我是無知運動員，忍唔住問左d 問題：

我：請問跑馬拉松可唔可以聽歌？

他們：Pourquoi pas? 點解唔得？！可以啊！

我又問：請問跑跑下可唔可以講電話或者影相？

他們：可以啊！你鐘意做乜都得！唔好影響其他人就得！

OK！有你呢句就得！不過我相機有點重……呼！

跟住我見到一個好緊要的資訊：

全馬賽事的影相位！！！

第一個影相位是在跑到3.5km，在 Mairie de Paris 巴黎市政廳先有，第二個影相位已是11km後的 Vincennes，天啊！Vincennes 很遠的了……我好怕自己連第二個影相位都去唔到……

跟住，我看見很多人。

大會真有心思，Are you made of Paris 2012? 所有4萬個 Runners 的名字都在這塊 board上，我仔細找了20分鐘也找不到自己個名，放棄了……

Running Expo 當然少不了賣Souvenirs和各種跑步的 gears

連馬拉松背景的快相也有，好無聊！

之後，還有很多歐洲各大城市如Munich、Venice、Brussels的Marathon 來擺 booth，勁塞d 傳單給我說(碎)我報名，我心諗：唔係覺得我似跑到啊？！

不過這個是蠻吸引的，在Mont Saint- Michel跑 <3 <3 <3

回家拆開個runner kit，有筆、key ring、護腕、洗頭水，多用途巾、兩個索帶袋……最勁是有虎標萬金油！！！

今日去完個 Expo，其實我，是很想跑完的，但我不想死。

星期日，跑到支力就走，YEAH!!!